ثورة 1919

سعد زغلول زعيم ثورة 1919ثورة 1919 ثوره سياسيه مصريه حصلت فى مصر سنة 1919 كان هدفها المطالبه باستقلال مصر عن بريطانيا. بدأت بتكوين الوفد المصرى اللى اناب ثلاته من زعمائه عنه لمقابلة المندوب السامى البريطانى " سير ريججنال ونجت " يوم 13 نوفمبر 1918 عشان يطلبوا السماح ليهم بالسفر على انجلترا عشان يتكلموا مع الحكومه البريطانيه عن موضوع الحمايه البريطانيه على مصر. الزعما التلاته كانوا سعد زغلول ، و على شعراوى ، و عبد العزيز فهمى. و لما طلب الزعما اترفض بدأت مرحلة الاضطرابات اللى اتحولت لثوره لما الانجليز قبضوا على سعد زغلول و كام واحد من زملائه و نفوهم على جزيرة مالطه فى مارس 1919 فقامت مظاهرات الطلبه السلميه اللى اتحولت لعنف اتصدت ليه السلطه العسكريه البريطانيه ، و بدأت اضرابات العمال و الموظفين و المحاميين اللى ادت لتوقف الحياه فى مصر بالكامل. و امتدت الثوره من القاهره للمدن و الأرياف و دمر الفلاحين قضبان السكه الحديد و عواميد التليفونات و التلغراف و القطارات الحربيه البريطانيه ، و حفروا حفر غويطه فى الطرق الزراعيه عشان يعطلوا حركة عربيات الانجليز أو يدمروها. بريطانيا عينت ادموند هنرى النبى مندوب سامى على مصر و اضطرت انها تفرج عن سعد زغلول و زملائه و سمحتلهم يسافروا على باريس فى ابريل 1919 ، بعد ما وضبت إن مؤتمر الصلح يرفض سماع مطالب الوفد المصرى و يعضد الحمايه البريطانيه فى معاهدة الصلح مع المانيا. و بعدين اصدرت تصريح 28 فبراير 1922 اللى اعترفت فيه باستقلال مصر مع شوية تحفظات وان القوات الانجليزية تفضل فى مصر.

اقتباس :

زملائه و سمحتلهم يسافروا على باريس فى ابريل 1919 ، بعد ما وضبت إن مؤتمر
الصلح يرفض سماع مطالب الوفد المصرى و يعضد الحمايه البريطانيه فى معاهدة
الصلح مع المانيا. و بعدين اصدرت تصريح 28 فبراير 1922 اللى اعترفت فيه
باستقلال مصر مع شوية تحفظات وان القوات الانجليزية تفضل فى مصر.

بالله عليكم هل هذا الكلام يستحق أى إشادة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المنتدى صار للغة العامية الدارجة

ياساره اقرأي الموضوع قبل التسجيل

يا أستاذ طارق أنا نقلت هذا الموضوع من على الانترنت ولم أدرك أنه يوجد به أى اخطأ

سارة خالد عبد الباسط كتب:

يا أستاذ طارق أنا نقلت هذا الموضوع من على الانترنت ولم أدرك أنه يوجد به أى اخطأ

إذا فالخطأ عندك