حوار بين اتنين سمعهم تقيل . . . ] ~

حوار بين اتنين سمعهم تقيل . . . ] ~


اتنين واقفين على محطة الاتوبيس ودار بينهم هذا الحوار : -


الأول : الاتوبيس ده بيروح مــصر الجديدة؟


الثاني : على الحديدة !!... ليه انت طالب احسان


الأول : بذرة الكتان !! لا ..دي تلاقيها عند العطار


الثاني : جزار!! اه ..قوللي كده .. عايز تشتري لحمة


الأول : معك حق.. الدنيا زحمة ..علشان ده ميعاد خروج الموظفين


الثاني : نور الدين !! لا والله .. ماعرفوهش


الأول : ما بتشربوش!! ليه ..كفا الله الشر


الثاني : رأس البر !!! ..ده مــصيف هادي


الأول .: عايز تركب للمعادي... دي منطقة جميلة


الثاني : بليلة !! انت شكلك كده جعان


الأول : عيان!!! أيوة والله .انت باين عليك عيان ..طيب ما تروح للدكتور


الثاني: الحنطور!! ده احسن من الأتوبيس ، وبيوصلني لحد الباب


الأول : هبــــاب !!! وانا اللي كنت فاكرك محترم


الثاني : اتخـرم !! هو مين ؟؟


الأول : عاوز اسـبرين ! ليه انت عندك صداع ؟


الثاني : قراع !!! ينهار اسود . ده مرض خطير


الأول : لا والله مش عايز. وبعدين مش بأحب الفطير. تقيل على المعدة وتمنه غالي


الثاني: خالي.. انت تعرف خالي ؟ ده راجل كبير في السن


الأول : الجن .. نهارك مش فايت ..انت عليك عفريت .!؟


الثاني : كبريت . . لا والله . . ممعاييش . . انت عايز الكبريت ليه . عايز تولع؟


الأول : أدلع ! أدلع عليك انت!؟ انت ما تملاش عنيا


الثاني :يقبضوا عليا !! ليه !؟


الأول : انت غريب يا راجل انت..شكلك شحات ، روح اشتغل شغلة تاكل منها عيش


الثاني : خيش!! والله ده صوف انجليزي


الأول: بنتك زيزي!!! ربنا يخلي .


الثاني : أنتاج محلي .!!!! ده مستورد


فجأة شاويش من بتوعنا ... يلفت انتباه الحوار، : بتعمل ايه يا جدع منك له!!!


الاثنين: ايوة يا شاويش ...احنا مستنين الأتوبيس


الشاويش : نهاركم مش فايت .... جواسيس !!! قدامي على القسم

بجد الموضوع بيضحك اوى
هههههههههههههههههههههههههههههههههههههههههههههههه

موضوع جميل و بيضحك اوى و شكرا
ههههههههههههههههههههههههههههههههههههه

شكرا

ههههههههههه
شكرا جزيلا

ههه هههههه هههه هههه
موضوع رائع

شكرا
بجد الموضوع مضحك

للمرة الثانية أشكرك
ولكن هل تعتقد أن هذه مسابقة ؟ أو شيء من قبيل هذا؟
الموضوع في المكان الخطأ