((قصه شاب محدش بيرن عليه))

((قصه شاب محدش بيرن عليه))
انا بقالي 3 سنين جايب موبايل ... يعني بقالي 3 سنين جايب خط ... وبرده
بقالي 3 سنين عمال انزل فى نغمــات نزلت كل نغمات الدنيـا لموبايلي
دا على اساس أنه لما يرن النغمـه دي تشتغل ...

و من هنا بقى ظهرت المشكله إنه يرن الموبايل مابيرنش خالص ...
انا قلت يمكن العيب من الجهاز غيرت الجهاز ..طب من الخطغيرت الخط
طب ممكن من النغمــه غيرت النغمــه

عملت كل المحاولات عشان أسمع نغمـة موبايلي بترن من غير ما اشغلهــا انا ... بس مفيــش فايده.. كل محاولاتي كانت نتيجتها بالفشــل..

و في اليوم الموعود (إللي كنت مستنيه من زمان) قمت من النــوم ... ببص في الموبايل لقيــت ميسد كول

مش معقولانا جالي ميسد كوول ... لأ لا يمكـن

فكرت افتحها على طول ولا أروح أخد شاور الأول عشان أبقى مستعد ... دخلت
حلقت دقنى و خدت شاور و عملت شعرى سبايك و حطيت بارفان و لبست احلى طقم
عندى و لسه همسك الموبايل فى ايدى و. وكانت الصدمه

أخــويا دخل عليا و قال لي : الجهاز بتاعي باظ وانا حطيت الخط بتاعي في جهازك مؤقتــا ..

تحطمــت كل احلامي ... نعم تحطمــت كل امالي التي كنت اعقدها في رؤية هذه الميسد .

وبعد شهرين من تاريخ الميسد كنت ماشي في الشـارع رايح الدرس ... وفجأه
حسيــت بهزه في جيبي ( فيبريشن بقى ) . و سمعــت نغمــة موبايلي

انا طبعا مصدقتــش ان دا موبايلــي بس مكنش في حد بيـرد جنبي على
موبايلـه . يا نهار ابيض دا موبايلي اللي بيرن و إفتكرت ان دي
نغمتــي .

كان وقت جميل اوي وانا اول مره أسمع نغمتي فيها من غير ما اشغلها ... يا
حلاوتــك يا نغمتــي . وقمــت مدخل ايدي في جيبـي و مطلــع الموبايل
. و فتــحت المكالمه .ونقول الووو

لقيــت واحد بيقولي : إيه يا بنتي انتــي فين انا مستنيـكــي قدام السينما بقالي ساعه .

خسئت

ساعتها تـــأكدت ان النمــره غلط ... بس انا ما رديتش عشــان ميعرفش إن
النمره غلط و يحرمنــي من أجمل لحظـــات حياتي ... بس هو قفل . قفل
لما انا مردتش عليـه .

و بعد الحدث ده رجعت البيــت و ما روحتش الدرس و إتعقــدت بصراحــه ... و جــالي إكتــئاب ...

الإكتــئاب زاد.. زاد زاد جــدا لحــد ما مبقيــت أقعــد في الأوضة لوحدي و باصص للحيطــه وفي إيدي الموبايل و ما بكلمــش حد ...

كانوا بيخشــوا عليــا يكلمــوني بس ما كنتش برد عليــهم . يجيبولي أكل ماكلــش

حاولوا كتير معايا عشــان يخرجونــي من حالة الإكتــئاب إللي انا فيهــا
لحد ما بابا جه وكلمنــي وقالي: الموبايل مش كل حاجه يا بنــي ... على
أيــامنا ما كنش فيه موبايلات ولا كلام من ده ..وكنا عايشيــن يا حبيبي ...

و قعد ناس كتير و دكاتره كتــير ييجوا يكلمـوني ... بس ما كنش فيه فايده

فقدوا الأمل في علاجـــي ..و بقيت انا مجنــون العيله كانوا مسمينــي مجنون الموبايل

بعد فتره بدأت أتحســن و اقتنع بكلامهم و جيت في يوم وقمــت و نسيت حكاية
الموبايل دي خالص وانا فاكر ســاعتها لما فتحــت التلفزيـون لقيــت
إعلان لموبايل... حاولت اقلب القناه عشان ما افكرش.. لقيــت إعلان عصام
الحضرى بتاع فودافون

حاولت أقلب القناه عشان ما افكرش في المــوبايل لقيـــت إعلان نغمات فيديو تون...

الإعلان دا أثر فيــه اوي...هو انا حتــى طايل نغمــه عاديه عشان يجبلي
فيديو توووون الإكتئــاب رجعلي تاني . و قمــت قايم وجايب ورقه
وقلم وكتبت :بابا ماما سامحـوني أنا كنت عايز أخف بس انا قررت خلاص انى
انتحــر

و جيـــت ارمي نفسي من البلكونــه بس سمعت الموبايل بتاعي بيرن

اممممم دي نغمــة الرسايل أنا عارفها تين تين تين . فرحت اوي .

فتحت الرساله لقيت رساله .

"عزيزي العميل دلوقتي ممكن تشترك في خدمة الإنتــظار عشان إللي بيتــصلوا بيـــك وانت مشغـــول."

لأ لأ .. انتــم كده عايزين تموتوني

آآآآآآآآآآآآآآآآآآآآآآآة بووووووووووووووم

(دا وهو بيقع م البلكونة)

شكرررررررررررررررررررا

ههههههههههههههههههههه شكرا

شكلة يا استاذ طارق بيحكى على نفسة صح....ههههههههههههه
((قصه شاب محدش بيرن عليه)) Icon_biggrin

انا من راى انه موضوع هايف وليس له معنا

شكرا يا حماعة علي الردود الزفت دي
ولكم جزيل الاهانة ان شاء الله

واللة انا عن نفسى بعتزر ودا هزار مش اكتر ((قصه شاب محدش بيرن عليه)) Icon_redface

متشكر على الهزار

عادي انا برضو بهزر
مفيش مشكلة

والله يا جماعة أنا شايف إن الموضوع ظريف

ولا إيه يا ahmed

مش شرط تعكر مزاج الراجل

ايوة كده يا حودة

ان عن نفسى هى قصه مضحكه بصراحه
وكل واحد ليه رايه
ولا ايه ياahmed rendeer

يا جماعة نفسى اعرف متضايقين له من الرد بتاعى وده رأى

ماشى يا احمد ده رايك ومحدش معترض عليه
بس عادى احنا بنتكلم بهزار مش متضايقين ولا حاجه rendeer

اية يا جماعة واللة الحكاية مش مستهلة كل دة
واحنا قولنا انى الموضوع واللة حلو جدا جدا جد
ودا راى الاغلبية
والمفروض ان كل واحد يكون واسق من نفسة ومن موضوعة ولا اية ((قصه شاب محدش بيرن عليه)) Icon_question

والله عندك حق بس مفيش حاجه
وكلنا اصحاب محدش زعلان من التانى
كلنا بنهزر مع بعض مش اكتر rendeer

ههههههههههههههههههههههههههههههههه
ايه ده كله
والله انا من الاول كنت بهزرفي ردي اول مرة
ومش كنت زعلان ولا كان في دماغي اي حاجة من البداية وانتم الي زودتوا الموضوع اوي
وكل واحد ليه رايه

I love you

:lol!
ههههههههههههههههههههههههههه

لا تتضايق يا أحمد

××××××××××××××××

مفيش أي زعل أو ضيق

××××××××××××××××
وزي ما قالوا الموضوع كله هزار مش أكتر وكل واحد وله رأيه ولا إيه ..............وحسام خلاص حسم الموضوع

هو ده الكلام
وخلاص بقي

يا جماعة انا مش مضايق انا بس كنت بعبر عن رأى وكل واحد له حرية الرأى ودي مش حرب يعنى ولكن حسام اخيرا نهى الموضوع ولكننا لم نرى تعليق للاستاذ طارق العليمى

خلاص ما دام انا نهيت الموضوع
فبلاش كلام تاني فيه
ويا ريت يكون ده اخر رد فيه
اوك

كل هذه الردود على موضوع ليه كل ده و لا تزعلو هذا اجمل موضوع وكل هذه الحوارات ما ليها لزمه و هو اعجبنى حقا هههههههههههههههههه

اه يا جماعة هو الموضوع ده مش هيقفل ولا اه

اية يا جماعة واللة العظيم حرام عليكوا كل دة علشان موضوع انا لو مكان (حسام ) كنت انتحرت دى اقل حاجة
اعملها ((قصه شاب محدش بيرن عليه)) Icon_pirat

هههههههههههههههههههههههههههههههههههههههه
انتي بتبشري علي
بس انا مش هنتحر

الموضوع حلو ...............عرفناها
كل واحد وله رأيه...................شوفناها
إنت مضايق ليه.............زهقنا منها
بااااااااااااااااااس كفاااااااااااااااااااااااية
خلاص أنا اتخنأت ،حرام عليكوا؛ حسام خلاص هينتحر ، الراجل دماغه فرقعت
ميهمناش الموضوع ماله إللى يهمنا مفيش واحد يكتب رد تانى وإلا...........ماشى؟ اتفقنا
Embarassed

بص يا( حسام ) انا فى الاول اتريات فى ردى
بس بعد كدة اعتزرت
يعنى مش انا السبب فى كل دا ( دا المفروض يعنى) صح
وانا بعتزر كمان مرة علشان ممكن يكون انا السبب وانا مش عارفة
وخلاااااااااااااااااااااااااااااااااااااااااااااااااااااااااااااااااااااااااااااص بقى
((قصه شاب محدش بيرن عليه)) Icon_question

يا نهار أبيض
لو فى واحد جدع ما يردش تانى ،حرااااااااااااااام المسائل الهايفة دى كفااااااااكم.

بص يا ندي
بص يا احمد
كفاية انا دماغي طرقعت اناهنتحر واستريح
لاما ما دام انا بدات الموضوع المفروض انهيه
اول مرة اشوف علي المنتدي موضوع ليه مليون رد
كفاااااااااااااااااااااااااااااااااااااااااااااااااااااااااااااااااية ردود
وخلاص

شكرا قوى على ردك دا وانا اللى غلطانة من الاول

ليه انت كنتي بتهزري والموضوع خلاص انتهي
بلاش زعل
انا عاوز اخلص الموضوع واقفله عشان كده وعشان دماغي طرقعت

» قصة شمويل عليه السلام وفيها بدء أمر داود عليه السلام
» هود عليه السلام
» يحي عليه السلام