صعييييدى زكى

واحد صعيدي راح يبات هو والمدام فى الهيلتون ليلة
تانى يوم الصبح بيطلب من موظف الاستقبال الحساب و دار بينهم هذا الحوار :


الرجل : الحساب كام من فضلك ؟
الموظف : 1000 جنيه بس يافندم
الرجل : ألف جنيه ليه يا أستاذ ... كتير قوى مبلغ ألف جنيه فى ليلة
دى كانت ليلة واحدة يا محترم


الموظف : أجرة المبيت فى الليلة بـ 400 جنيه
الرجل : طب و الـ 600 جنيه الباقيين ليه بقى إن شاء الله ؟؟
الموظف : عندك 100 جنيه أجرة الموظفين اللى بيشيلوا الشنط
سيادتك لما نزلت من التاكسى مش كان فيه شيالين بيشيلوا الشنظ منتظرينك ؟



الرجل : أما غريبة و الله .... بس أنا شيلت الشنطة بنفسى و ماحدش شالهالى
الموظف : ماهو كانوا موجودين قدام سعادتك .. ما ناديتش عليهم يشيلولك الشنطة ليه ؟


الموظف مستطرداً... هاكمل لحضرتك باقى المبلغ
عندك 50 جنيه إستعمال سجاجيد السجادة اللى من غرفة حضرتك للمطعم



الرجل : أنا ما مشيتش على سجاجيد أنا كنت بامشى على الحتة الفاضية اللى مش مغطياها السجادة
الموظف : ماهى السجادة كانت عند سعادتك .. ما مشيتش عليها ليه ؟؟


الموظف : و عندك 200 جنيه إستخدام حمام السباحة
الرجل : بس احنا ما نزلناش عومنا فى الحمام خالص .. هوا احنا وش عوم و مايوهات
الموظف : حضرتك حمام السباحة كان قدام سعادتك ما نزلتوش عومتوا ليه ؟؟



الموظف : و عندك 100 جنيه إستعمال التليفزيون و قنوات الدش و الريسيفر فى الأوضة
الرجل : دش ايه اللى انت جاى تقول عليه !
احنا ما شغلناش امبارح غير القناة الأولى و التانية .. هوا كان فيه دش !!
الموظف : قنوات الدش كلها كانت عند سعادتك ما اتفرجتش عليها ليه ؟


الموظف : و عندك 150 جنيه إستعمال سخان الميه اللى بالكهربا فى الأوضة
الرجل : الدنيا كانت حر أصلاًُ و ما أستعملناش السخان فى حاجة
الموظف : مالناش دعوة .. السخان كان عند سعادتك ما إستعملتوش ليه ؟؟



الرجل : أما شيىء سخيف قوى


انتظر الرجل لـ لحظات ثم أخرج له 400 جنيه فقط
الموظف : دول 400 جنيه بس


الرجل : الـ 600 جنيه الباقية حق ما عاكست المدام بتاعتى



الموظف : ايه الكلام الفارغ ده ... حضرتك عاوز تجيبلى مصيبة



هوا أنا عاكست المدام بتاعتك خالص و لا جيت جنبها !!
الرجل : ماكانت قدامك امبارح ما عاكستهاش ليه ؟؟

شكرا ولكن هذا لا يدل على اى ذكاء للصعيدى

دي مش لهجه صعيده
الصعيده ميعرفوش البسيم
اظن كده ان الصعايده ميعرفوش من فضلك
ومعظمهم ميعرفش السجاجيد
وميعرفوش يعني ايه سخيف
صح ولا انا غلطانه

شكرا ولكن الصعيدى كان فى الحوار غبى ايضا

شكرا ولكن انا اعتقد ان بعض الصعيدة اذكياء مش للدرجة الي احنا متوقعنة

يا جماعه انتو فكرين ان الصعيده اغبيه
فيهم ناس اذكياء جدا بس ده كلام هزار بيتقال عنهم
ومن النكت يعنى فيهم ناس عرفين البسين مش البسيم
ومش هيعرفوا السجاجيد ليه