اجمل النكت.........

مدرس عربى بيسأل الطلاب
دخلت يارا مع احمد
و خرجت يارا مع تامر ....؟
ما هو اعراب يارا .....؟
الطلاب بصوت واحد

صااااايعة
*
بيقولك مرسى و هو بيسلم على رئيس الصين قام شد على ايده جامد فهمس احد المرافقين للرئيس
بالراحة يا ريس ده صينى و ممكن ينكسر
*
مرة اتنين مساطيل واحد بيقول للتاني انا امبارح وانا ماشي في الغابه طلعلي اسد وكان في ايدي كوبايه مياة رميت الاسد بيها الاسد جري التاني رد عليه وقاله علشان كدة لما طلعلي اسد من شويه ضربته بالقلم ايدي اتبلت مياه
*
ولد بيسأل ابوه بابا .. يعنى ايه راجل ؟قاله يا حبيبى .. راجل يعنى حمش .. يعنى يقول الكلمة مرة واحدة فتتنفذرد الواد : يا سلام يا بابا .. ياما نفسى اكبر و ابقى رجل زى ماما
*
واحد حماته جت عنده البيت فبيقولها هاتنورينا لحد امتى يا حماتى يا ام الغالية ؟قالتله لحد ما تزهقوا منى قالها : طيب عالاقل اشربى حاجة
*

محشش اشترى لامه عصفورتين واحد بيغنى و التانى ساكت سالته امه .. التانى ساكت ليه
قالها : ده الملحن

يجب ألا يضيع الإنسان وقته فى النكت والضحك ليس معنى ذلك ألا يضحك الإنسان وإنما المقصود أن يضحك ولكن لا يكثر الإنسان من الضحك حتى لا يضيع وقته فيما لايفيد فالنبى صلى الله عليه وسلم كان يضحك ولكن ليس فى كل وقت فالوقت هو رأس مال الإنسان أرجو أن تكون الرسالة قد وصلت

وصلت
بس انت مذودها شويه وانت لو مش عجبك الموضوع متقرأهوش
غيرك هيقرأو ماشي
وكمان انا مش شايفه داعي لكلامك دا اصلا
علي العموم دي وجهة نظرك

أنا لم أقل أن الموضوع لم يعجبنى وإنما أردت أن أرسل رسالة لمن يتذكر وهذه القصص لم تحدث لذلك فهى تعتبر من الكذب وأنا فعلت ذلك تطبيقا لقول الله عز وجل (فذكر فإن الذكرى تنفع المؤمنين ) وهذا الإسلوب لا يجب أن يتحدث به عضو فى المنتدى .

انا اسلوبي كويس جدا
وانا مغلطش ولا قولت حاجه فيها اساءه علشان تقول الإسلوب لا يجب أن يتحدث به عضو فى المنتدى .

معلشي بقي انت لسه صغير علي ما تفهم كلامنا ولسه ماتعرفشي المنتدي كويس ولا تعرف تتعامل مع حد
مش مشكله شويه شويه علي ما تتعلم

هذا الرد أكبر دليل على صحة ما قلت .
من لا يحسن فن الحوار وفن التعبير عن الرأى أفضل له ألا يدخل أى منتدى لأنه يتسبب فى نقص مكانته بين الناس ( هذا رأيى)

مصعب كتب:

هذا الرد أكبر دليل على صحة ما قلت .
من لا يحسن فن الحوار وفن التعبير عن الرأى أفضل له ألا يدخل أى منتدى لأنه يتسبب فى نقص مكانته بين الناس ( هذا رأيى)

انت غريب اوي بجد
انا المنتدي دا دخلاه من اول ما اتعمل
انت الي جديد علينا انت مش واخد بالك ولا اي
انت اصلا من ساعت ما سجلت في المنتدي وانت مش عجبك اسلوب اي حد مش ملاحظ كدا

من يلتزم بالأدب والأخلاق فى الحوار وعرض وجهة النظر هو الذى يعجبنى ويفرض على أنا أحترمه
غير ذلك فلا أقدم له أى إعتبار أو إهتمام

بص من الاخر متردش علي موضيعي تاني

انا ميهمنيش راي واحد زيك
اوك

أهدوا ياجماعه شويه لازم كل واحد يتقبل راى الاخر النكت جميله يا ايه

ميرسي يا سوسو

شكرا لكم الحوار

ولكن للاسف كلنا فاقدون لفن الحوار ولا نسمع ولا نرى سوى وجهة نظر واحدة فقط هى وجهة نظرنا نحن ولا نتحاور مع المخالف لوجهة نظرنا بل نبدأ فى مهاجمته واستفزازه حتى يخطىء فى حقنا وعندها نقول هو الذى أخطأ

اتمنى أن أرى نقدا مفيدا للموضوع وليس مهاجمة الموضوع أو مهاجمة الشخص الذى كتبه

لم تتعلموا فن النقد الايجابى الذى يدفع للامام وليس المحبط الذى يبحث عن العيوب فقط

سانتظر منكم ردا إيجابيا بمعنى

هل استفدنا من النكات المطروحة ؟

وما مدى الاستفادة ؟

ما هدف كاتب هذه النكات ؟

هل بعضها مقبول أم كلها غير مقبولة ؟

هل يمكن تعديل بعضها ؟

هل لغتها مناسبة أم سيئة ؟

أتمنى أن أكون قربت وجهات النظر

السلام عليكم

يا ريت يا جماعه نتقبل راى بعض و نحترم راى الاخرين شكرا ليكى يا اختى ايه على الموضوع الرائع و على مجهودك بس احذرى من موضوع النكت لنه قال بعض العلماء انه فيه كذب لانكى ما رايتى ولا سمعتى دى وجهه نظرى و يا ريت يا جماعه نعتذر لبعض و كمان نعتذر لاستاذ طارق عن الى حصل

وهكون انا الاول انا اسف لو كنت غلطت فى حق اى حد

شكرا لحضرتك يا Admin
ومعلشي لو انا تخطيت حدودي في الكلام كان لازم ارجع لحضرتك من الاول
وراي حضرتك يحترم وينفذ باذن الله

شكرا ليك kongfu boy
وشكرا لوجهه نظرك واحترامك في اسلوب الكلام

أنا أعتذر عن أى خطأ صدر منى تجاه أى عضو من أعضاء المنتدى وأود أن تقبلوا إعتذارى

لو الاعتذار موجه ليا بردو
فانا اقبله